सिए सरोकारले संकलन गरेको राहत सामाग्री वितरण

सिए सरोकारले विभिन्न सिए इन्स्टिच्युटहरु, सिए तथा सिए बिधार्थीहरुबाट राहत संकलन गरेको थियो। सिए सरोकारले सुरु गरेको राहत सामाग्री संकलन अभियानमा सिए क्षेत्रका धेरै सरोकारवालाहरुले खुलेरै सहयोग गर्नु भएको थियो।  

सिए रमेश धिताल , सिए हुकुम पहाडी , सिए बिधार्थी आनन्द धिताल र सिए सरोकारका प्रधान सम्पादक सुरज प्याकुरेल सहित काठमाण्डौमा बसोबास गर्ने नेपाने गाउँका स्थानीयबासी सहितको टोली नेपाने गाउँ पुग्दा  स्थिति निकै दर्दनाक देखिन्थ्यो।  सबैका घर लडेका छन् भने सरकारी राहत सामाग्री सम्बन्धित ठाउँमा पुगेको छैन।  प्राय: सबैका चौपाया मरेका छन् भने कयौं केटाकेटी, तथा बुढाबुढीको मृत्यु भएको छ।  त्रिपाल मुनि नै किरिया बसिरहेको दृश्य एकातर्फ निकै नै कारुणिक थियो भने राहत सामाग्रीको प्रतीक्षामा बसेका जनताहरुको दुख उस्तै थियो।

 

काठमाडौँ देखि नेपाने गाउँमा राहत सामाग्री पुर्याउन पनि कम तनाव भने भएन।  ठाउँ ठाउँमा कतिपय स्थानीयले राहत लुट्ने गरेको खबर सार्वजनिक भईरहेका बेला सिए सरोकारले संकलन गरेको राहात सामाग्री सम्बन्धित ठाउँमा पुर्याउन प्रहरीले स्काटिंङ समेत गरेको थियो।  अन्ततः प्रहरीको सहयोगका कारण बिहान करिव १० बजे राहत सामाग्री सिन्धुपाल्चोकको नेपाने गाउँमा पुग्यो।   

राहत वितरणको  अर्को पक्ष अझ डरलाग्दो बन्यो।  राहत सामाग्री वितरणकै क्रममा एकास्सी अर्को भूकम्पको 

धक्का महसुस हुँदा स्थिति निकै नै त्रास पूर्ण भएको थियो।  केहि समयपछी पुन : राहत सामाग्री वितरणको कार्य सुरु भएको थियो। नेपाने गाउँमा अझै भूकम्पका झड्काहरु बारम्बार आईरहेका छन्।

सिए सरोकारले संकलन गरेको राहत रकम गाउँमा पिडितहरुको स्थिति बुझेर गरिएको थियो।  कुन् घरमा कति जना छन् भन्ने तथ्यांक संकलन गरी सम्बन्धित परिवारका पिडित समक्ष राहत वितरण गरिएको थियो। तथ्यांक संकलन मा स्थानीय अगुवाले निकै नै सहयोग गरेका थिए।

सिए सरोकार ले पुन : अर्को सहयोग चाडैं नै गर्दैछ।  पहिलो चरण को राहत वितरण को कार्यक्रम निकै नै सफल भए पछी अन्य पिडित ठाउँ हरु मा राहत लैजाने सिए सरोकार का प्रधान सम्पादक सुरज प्याकुरेल को भनाइ छ।

Loading...