वित्तीय साक्षरतामा लागेका आइक्यानका पूर्व विद्यार्थी अन्तर्राष्ट्रिय अवार्डमा छानिए, वेलायति संसदमा सम्मान

वित्तीय साक्षरताको अभियानमा लागेका आइक्यानका पूर्व विद्यार्थी  वेलायति संसदमा दिइने अन्तर्राष्ट्रिय अवार्डमा छानिएका छन् । सन्सारभरीका १५८ देशमध्येबाट नेपालमा वित्तीय साक्षरता अभियानमा लागेका युवा प्रकाश कोइराला छानिएका हुन् ।

वित्तीय साक्षरतामा काम गरिरहेको संस्था अर्थ फाउन्डेसनका सहसचिव रहेका कोइरालाई अन्तिम तीन ‘फाइनलिस्ट’ मा छानिएका हुन् । चाइल्ड एन्ड युथ फाइनान्स इन्टरनेशनलले आयोजना गरेको कार्यक्रममा उनी फाइनान्सिय एजुकेशन अवार्नेस अवार्डका लागि छानिएका हुन् ।

अन्तिम तीन फाइनलिस्टमा नेपालबाट कोइरालाका साथै साउदी अरेबिया र पाराग्युबाट पनि एक÷एक जना छानिएका छन् । आउँदो १० तारिखका दिन तीन जनामध्ये एक विजेतालाई वेलायति संसद् हाउस अफ लर्डमा सम्मानित गरिने छ । कोइराला विजेता बनेमा वेलायति संसद् भवनमा पुरस्कार पाउने पहिलो नेपालीसमेत हुने छन् ।

अर्थ फाउन्डेसनले नेपालका विभिन्न जिल्लाहरुमा वित्तीय साक्षरता कार्यक्रमहरु गर्दै आइरहेको छ । फाउन्डेसनलले चार हजार जनालाई वित्तीय साक्षरतासम्बन्धि तालिम दिएको छ भने रोटरी क्लबसँग मिलेर एक बर्षमा १० हजार जना युवालाई तालिम दिन सम्झौतै गरिसकेको छ । बिजमान्डुमा खबर छ ।

Loading...